政情：全城呼喚消費券 鄺俊宇話要15000元

鄺俊宇日前拍攝視頻，指第5波疫情重創香港嘅市道，晚巿禁堂食、多個處所關閉，相關從業員嘅生計大受影響，而專業組織同政黨就陸續向財政司司長提交建議，要求再次派發消費券。鄺話自己議員生涯中最後一次審理財政預算案，當時就全民派發10,000元現金。依家香港收緊社交限制好多人手停口停，呢個咁嚴峻嘅時刻政府就更應斬釘截鐵，全民派15,000元！

鄺又指，第5輪防疫抗疫基金等補助計劃無疑係需要彈藥，但香港財政儲備有8,600幾億元，政府只要撥1,000億元，全港市民就可以分到15,000元，咁先至起到扶持嘅作用，仲可以同澳門睇齊添。至於政府會唔會咁疏爽呢？鄺認為當民情非常之團結要求派錢，下個月發表嘅財政預算案無理由會漠視呢個訴求喎。