昔日東方政情：李志宏P牌上路 載女友安全到埗
沙田前區議員李志宏喺上個月底考獲駕駛執照，雖正式脫離學神生涯，但亦隨之進入俗稱「P牌仔」、為期一年嘅暫准駕駛期。而日前佢就嘗試做「柴可夫」，親自揸車載女友返宿舍，儘管一路平安，但有網民知道佢新手上路，留言叫佢下次出車請早啲通知喎！莫非信唔過佢嘅駕駛技術？
網民：遇見你會小心
其實網民嘅憂慮並非無因，事關有消息指李志宏上個月考輕型貨車路試「一剔扒時」，只係學車廿幾個鐘。可能佢亦都知道順利通過路試，唔代表係合格司機，於是佢喺社交平台報喜之際，又話駕駛會小心，因為師傅不時重申「命就得一條」。而日前佢第一次揸車上路，就搵埋西貢前區議員鄭仲文坐喺駕駛席旁邊，教路兼壯膽。
事後李志宏謙稱，全靠鄭仲文嘅指導下將女朋友冇穿冇爛咁送返宿舍，不過有網民留言話「好彩尋晚早咗返屋企，無同你同區」，亦有人話「遇見你我會小心㗎喇」，至於屯門區議會副主席黃丹晴就直言話「好驚」！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
