政情：打第3針前 一眾議員快閃合照

立法會主席梁君彥指Omicron肆虐同爆發，所以今次議員合照不但注重社交距離，且務必採用「快閃」形式。其後約30位議員分開4排，以「梅花間竹」、保持距離嘅形式進行合照。梁亦都配合「快閃」形式，簡短發言。最終，整個合照同發言程序僅僅幾分鐘就完結。

到下晝嘅打針時段，梁君彥雖有「專人」侍候，然而衫袖有啲卡住，食物及衞生局局長陳肇始親自幫佢整起衫袖，順利完成接種。議員陳恒鑌打針時擰歪面唔敢睇，畀人感覺好似怕痛咁喎。議員陳穎欣打針前，就叫議員陸頌雄用手機幫佢影相，以便舉起勝利手勢。