政情：嫌被捕髮型醜怪 張可森未能釋懷

張可森因涉前年35+民主派初選，涉違《港區國安法》而被關押咗大半年。佢嘅家人尋日喺社交平台分享一篇《做人，最緊要靚》為題嘅貼文，指張強調做人最緊要靚！佢話被還押半年，好多事情都喺讀經讀書中放低，但係仍然有件耿耿於懷嘅事，就係當日無剪好頭髮先至去報到，頭髮電完後就無修剪過，結果被傳媒影相時，頭髮結成一堆，好似有座騎樓生喺個頭上面咁。

張話每次睇番張相都覺得好傷心，佢曾經同朋友商討過，假如清晨6點半被執法機關拍門拘捕時，第一件事應該做咩好？對方認為，第一件事應該要襯衫，另一朋友就話要「gel頭」喎，所以佢得出，「做人，最緊要靚」已經係一個共識喇，仲話「沿途就算跌，要跌得好看」喎。