政情：蔡耀昌獄中進修 同減肥掛鈎

有消息話狗哥嘅家人喺上個月嘅冬至日，收到佢首封獄中信，當中不但用好多數字嚟表達佢對家人嘅思念，佢亦同時為自己訂立一堆目標，如減肥若干公斤，要閱讀若干本書，同埋話打算報讀若干個課程，強調佢會善用呢段在囚嘅時間之外，又指佢喺監房裏面，仲見證咗多年前為囚犯爭取嘅投票權。唔知佢喺獄中有冇響應政府嘅呼籲，喺上個月嘅立法會選舉中投下神聖一票，以體現佢過去努力所爭取嘅權利呢？

踏入新一年，佢亦都體驗新嘅在囚環境，因為上個月尾佢轉往石壁監獄服刑。而佢嘅家人探監之後，都話佢依家精神唔錯，心境平靜樂觀，仲感謝一直關心佢嘅朋友咁話。