政情：回應傳媒「煲冬瓜」 袁國勇認唔耍家

話說袁國勇視察樓宇環境後，步出大廈會見傳媒交代最新情況，而在場有一名記者以普通話發問，話關注中大同城大最新嘅學術報告。面對生疏嘅語言，袁國勇亦專登挨前身體聆聽記者嘅發問，之後就好勉強咁用普通話回應，講得結結巴巴令人滿耳沙石，連佢自己都面有難色呀！

記者可能都睇得出袁尷尬到額頭冒汗，隨即表示可以用廣東話回答，袁聞言隨即鬆一口氣咁話「廣東話都得啊？我啲普通話好差啊，聽死你哋！」仲忍唔住自己笑咗兩聲添！當回到廣東話頻道後，袁就即刻好流暢咁回答喇。