政情：黃偉鴻向乒乓教練挑機 用雙節棍比球技

黃偉鴻話早前喺會所見到有兵乓波訓練班，不禁令佢想起香港運動員揚威奧運嘅英姿，於是報名參加。結果去到第3堂訓練佢想搞搞新意思，亮出雙節棍話要同教練對打，對方聞言大呼話不可能，指雙節棍嘅接觸面太小，好難打得中，殊不知佢本身就懂得操控雙節棍，教練所發嘅球招招皆中，且回擊力度強如子彈，令人難以招架。

到底用雙節棍打兵乓波有冇乜嘢「秘技」呢？黃偉鴻話最緊要係手眼協調啫，而懂得純熟咁揮動雙節棍，當然係先決條件啦！佢回想接觸雙節棍之初，由於未曾摸通雙節棍嘅擺動軌迹，真係屢屢打親自己㗎！不過幸好佢支雙節棍外表包咗一層海綿，就算不慎扑中自己都冇咁傷。