政情：童年求父母買電視 林定國砌詞

舊時嘅社會無咁多娛樂，有得睇電視已經好難得。消費者委員會主席林定國尋日出席活動時，指自己成長於基層家庭，初時家中並無電視機，但由於電視節目往往成為校園熱話，為咗要跟同窗有話題，於是佢首次編造藉口，同父母話要睇「教育電視」，央求添置電視機，結果仲得償所願添。林仲話最鍾意一個人「獨霸」電視機嘅感覺，對電視劇更加如數家珍，仲笑言話喺電視見到好多美好嘅嘢，譬如靚女明星。