政情：議辦搞茶敍 狄志遠犯禁

其實今屆立法會會期開始之前候任議員就獲告知，中信大廈嘅議員辦公室不宜召開記者會及舉行請願活動。而陳發短訊提示狄，指中信大廈嘅會議室並唔適合用嚟召開太多人數嘅記者會，如果要開記者會就應該去立法會綜合大樓喇。不過，當時茶敍都接近尾聲，所以狄亦無特登轉場，順便完結茶敍就算喇！

講番茶敍，狄志遠話打算參選福利事務委員會嘅副主席。對於有新機制，要求議員5人組成一組，以更容易加入委員會，狄認為若果為入會而組成組合會好奇怪。

狄又指佢所屬嘅政黨有意接觸更多非建制派人士，首先係現任非建制派區議員，其次係已離開區議會，或有地區工作經驗人士，以尋求地區事務，以及地區同立法會溝通上合作。