政情：田北辰斥國泰炮製防疫漏洞

全球疫情大爆發，近日有國泰部分機組人員返港獲豁免檢疫，但係就有人員留家醫學監察期間疑違規外出，導致社區出現Omicron本地感染。議員田北辰尋日批評國泰造成防疫漏洞，讓機組人員喺家居隔離，措施形同虛設，結果政府終於醒覺，強制要機組人員喺酒店進行7日隔離。佢直情話唔應該設家居隔離，形容機組人員行為兒戲，簡直「無眼睇」。