昔日東方政情：野豬「深入民間」 葉劉斥餵飼不減
再有野豬闖入市區！尋日中午有一隻約兩呎半長嘅野豬闖入黃竹坑道188號香港鄉村俱樂部，四處遊蕩亂轉，嚇到職員唔敢靠近，避走到安全位置先再報警求助，最後警員到來野豬似乎受驚並自行返回山上，事件先告一段落。
指行為不智 必須正視
獲連任嘅議員葉劉淑儀都話早幾日有野豬直情闖入鄉村俱樂部，證明野豬已經「深入民間」喇，但最大劑嘅係，仲有好多人以愛心為名餵飼野豬啊！
葉劉尋日喺Facebook貼文及上載一段短片，提及野豬闖入香港鄉村俱樂部事件，認為事件顯示野豬已經「深入民間」，對市民造成極大滋擾，甚至發生意外。佢話弊在仲有唔少人出於愛心餵飼野豬，其實呢個行為真係好不智啊！
唔單止餵野豬，佢又指有唔少市民向佢投訴，仲有人餵飼白鴿添啊！佢話餵飼野生動物會影響環境衞生，必須正視，仲話會喺立法會跟進相關問題喎。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
