政情：野豬「深入民間」 葉劉斥餵飼不減

獲連任嘅議員葉劉淑儀都話早幾日有野豬直情闖入鄉村俱樂部，證明野豬已經「深入民間」喇，但最大劑嘅係，仲有好多人以愛心為名餵飼野豬啊！

葉劉尋日喺Facebook貼文及上載一段短片，提及野豬闖入香港鄉村俱樂部事件，認為事件顯示野豬已經「深入民間」，對市民造成極大滋擾，甚至發生意外。佢話弊在仲有唔少人出於愛心餵飼野豬，其實呢個行為真係好不智啊！

唔單止餵野豬，佢又指有唔少市民向佢投訴，仲有人餵飼白鴿添啊！佢話餵飼野生動物會影響環境衞生，必須正視，仲話會喺立法會跟進相關問題喎。