昔日東方政情：葛珮帆夥兩選委界別議員組聯盟
喺新一屆立法會中，唔少「新丁」議員都係無政黨聯繫，外界關注喺議會上彼此有咩合作火花。其中選委會功能界別議員葛珮帆（EQ）透露將會同另外兩位同界別議員、工程師陳紹雄及城市規劃師林筱魯成立「智慧生活促進組」喎！至於會否招攬兩人加入所屬政黨，擴大議會內專業版圖呢？佢就話未有討論過啦！
香港智慧城市政策發展一直被批落後，有份喺議會內推動有關議題嘅EQ就話，喺參選期間與陳及林一齊出席咗唔少見面會及論壇，過程中留意到兩人不斷提出有關智慧城市及環保議題，同時好着重改善市民生活，直言同佢一直以來嘅工作及睇法都好接近，所以有時見面都會討論及交流意見。
關注智慧生活議題
被問到係咪佢牽頭提出呢個建議，佢就話係自己提出先，當選後就同兩人見面傾吓，認為有共同目標，建議可以一齊合作推動。EQ又話「智慧生活促進組」會全方位喺議會推動有關議題，第一件事會先約見相關官員喇！
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
