政情：邀約達人練跑 聶德權乘機偷師

平時好少到港島區跑步嘅聶德權，喺社交平台公開佢喺山頂嘅練跑路線，係由灣仔峽公園出發，經布力徑、甘道、白加道、山頂廣場、盧吉道、夏力道，再返到公園。話說呢條路線有好多上斜路段，自稱係「新手」嘅聶感到好新鮮，係唔錯嘅體驗咁話。既然可以同水哥一齊練跑，當然要從對方身上好好學習啦。

聽水哥講，佢同聶一邊跑一邊分享長跑心得，譬如要做好熱身之外，對鞋都好重要！水哥話跑鞋用得一段日子之後即使外表新淨，但可能已失去緩衝作用，仍然着住去練跑可能會勞損o架，畢竟避免受傷，長跑長有最重要。