政情：初抵英國 劉珈汶即感沮喪

劉珈汶強調自己本來無意離開香港，但由於愈來愈多不利嘅傳言，最終由買機票到離開都只不過係一星期時間。佢話初時無時間停低思考，但後來空閒多咗開始思量，沮喪嘅情緒就湧出嚟。佢講到早前喺皇家郵政做臨時工，曾諗過自己係唔係咁就一世？到底自己仲可以做啲乜嘢？對於往後嘅日子，佢坦言曾一度感到憂慮。

雖然劉珈汶選擇倫敦做落腳點，但佢話香港畢竟係自己嘅根，無可能去到英國有新開始就要完全忘記香港，因此即使係有關自己嘅負面報道，佢都唔會停止接收香港嘅新聞訊息。