昔日東方政情：搵候任議員傾偈 陳浩濂除夕 心急摸底
尋日係除夕，唔少人都早啲收工返屋企，又或者夜晚去倒數。不過，財經事務及庫務局副局長陳浩濂就提早開始新一年嘅工作，儘管新一屆議會尋日都未開始，但就前往中信大廈拜訪候任議員。
同黃元山一早交過手
話說今屆立法會人數增加至90人，辦公室數目不足、立法會大樓需要擴建，一半議員需要去中信大廈嘅寫字樓辦公，選委會界別嘅黃元山就係其中一個喇。陳浩濂就趁住舊年最後一個下晝同黃會面，討論財經事務相關嘅政策同埋立法會事宜，仲話喺新一屆立法會內都會繼續聽取佢嘅意見，希望可以一齊推動金融業發展。
唔單止咁，陳話早喺2014年已經認識黃，兩人曾就綠色金融、上市制度改革等議題有溝通同合作。既然兩人早就認識，又何需急不及待，喺除夕日「摸底」呢？
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
