政情：劉勇威被公審後找數 卸任大埔區會副主席

劉勇威指2021係風雨飄搖、令人痛心嘅一年。尤其是距離2022年第一次區議會大會之日尚早，就有同事聚焦於副主席職位任期，令人百感交集。劉承認當初大家曾討論過大會、委員會嘅主席與副主席職務為4年區議員任期嘅一半，等其他區議員同事有機會一齊喺過程中學習，為日後作好準備。雖然自己以相對較有資歷嘅身份接下區議會副主席一職，期間仍謹慎行事。

劉話尋晚除夕夜，佢希望最後一次用區議會副主席身份，跟大家一齊同2021講再見，未來會繼續用區議員身份努力，冀下一任區議會副主席，能夠做應做及想做嘅事。

貼文一出，姚鈞豪隨即轉發，表示多謝劉勇威守約，又稱理解大家呢個時候嘅感受，認同喺居民群組公開搵佢並非最恰當，但都多謝佢肯回覆咁話。