政情：白髮黃偉綸 瞬間變黑 得咗

發展局局長黃偉綸尋日出席記者會，一出場就惹來傳媒注目，事關佢長期花白嘅頭髮，竟然變得烏黑油潤，真係令人眼前一亮啊！

睇番今個月初，黃偉綸為職訓局畢業典禮預錄致詞，當時佢仍然滿頭斑白，只不過短短十幾日，佢頂上青絲就烏黑如墨，睇落真係成個人都後生咗，好明顯，近日佢去咗染髮啦。

話時話，喺「熱廚房」裏面，有幾位男高官都有染髮嘅習慣。官場消息指，政務司司長李家超同保安局局長鄧炳強，佢哋之所以長年都保持一頭黑髮，其實係有賴染髮嘅功勞。到底黃偉綸有冇向李、鄧兩位司、局長請教染髮心得呢？咁就不得而知啦。