政情：立會新丁靠雞精班「進補」

候任議員狄志遠就話，覺得議會抗爭已成歷史，喺新一屆議會好難再發生，佢都好關注點樣去保護少數議員利益。佢又提到自己係社福界代表，當然想加入社福界委員會，對教育事務委員會同政制事務委員會都有興趣。另外，佢都講到中信大廈臨時辦公室私隱度問題，但同建制派商量後認為無協調空間。

另一方面，立法會議員將會喺下周一（1月3日）由特首監誓下宣誓，而主席選舉會將喺下月10日中午前舉行。政府同時發出宣誓須知，提醒候任議員注意宣誓程序，否則有機會被裁定無效，甚至即時喪失議員資格。而首5名宣誓嘅議員依次係張宇人、林健鋒、梁君彥、李慧琼及陳克勤，而最後一個宣誓係嚴剛。候任議員林順潮就建議，容許議員宣誓期間戴透明口罩，起碼個樣會清楚啲，佢仲強調90個議員都係身經百戰，唔怕甩轆，大家都會喺屋企苦練。