昔日東方政情：社會氣氛差 兩成受訪者無新年願望
2021年踏入尾聲，香港民意研究所於今個月9日至14日，就2021年回顧及2022年前瞻以電話訪問1,017名市民，發現有26%嘅受訪者滿意香港過去一年發展，較去年上升17個百分點，不滿嘅就有52%，較去年下跌20個百分點，雖然滿意率有所上升，惟滿意率淨值仍然為負26個百分點。過去一年生活快樂程度方面，感到快樂嘅受訪者佔29%，較去年上升16個百分點，而不快樂嘅受訪者則有40%，比去年下跌19個百分點。
學者：港受諸多問題困擾
至於對來年嘅展望，40%受訪者預期來年香港整體發展會有改善，較去年上升7個百分點，為2010年12月以來新高，認為會惡化就佔29%，下跌11個百分點。喺市民嘅新年願望方面，與社會相關嘅有40%，較去年下跌9個百分點，與世界和平或友愛相關只佔6%，創1998年以來新低，而冇新年願望嘅受訪者亦有18%，較去年上升8個百分點，係1992年12月有紀錄新高。
香港中文大學新聞與傳播學院院長李立峯認為，數據雖趨向正面，因為過去兩年香港備受社會事件同疫情影響，氣氛極差，所以今年只係從極端低位上升，實屬正常，並不代表市民對社會嘅滿意度如數字般正面，香港仍然被移民、政治同疫情等問題纏繞，影響社會氣氛同市民嘅快樂程度。對於18%嘅受訪者冇新年願望，佢估計受訪者可能認為期待嘅事情已經一定不會發生，所以亦沒有許願嘅需要。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
