政情：在囚尹兆堅缺席仔女生日 叫網民代送祝福

尹指佢嘅一對仔女都喺聖誕節後無幾耐生日，佢過往每一年都會提早安排好工作，及早返屋企同佢哋慶生，從未缺席，但可惜今年要缺席啦。佢話唔知道仲要缺席幾多年嘅生日會，覺得仔女因為佢嘅在囚，被迫要一夜長大，剝削咗仔女嘅童年，添上成人才應承受嘅壓力同憂愁，而佢今年初因為民主派初選案被押上庭嗰日，亦適逢係佢太太生日，佢都深感虧欠同內疚。

尹又請求仔女嘅原諒，「爸爸未能跟你們慶祝生日，你們一定諒解的，對嗎？原諒我，好嗎？」又應承仔女，無論係幾多年後都一定會出獄，再次幫佢哋慶祝生日。佢又自慚咁話，自己未能履行應有責任，唔係稱職嘅爸爸，所以希望大家代佢向仔女送上生日祝福喎。