政情：蕭偉強變長者 難忘推動兩蚊搭車

生日過後，蕭喺拆禮物日就喺Facebook貼文感嘆自己大一歲，「膝頭又痠痛一點，頭髮又稀疏一點，反應又遲鈍一點，膽固醇血壓又高了一點」，身邊嘅同學友儕更係「走的走，離的離，又減少了一點」。對於老一年嘅自己，佢就希望「腰板仍勉力堅挺一點，情懷就嘗試豁達一點，思考想學習睿智一點，米芝蓮醇酒卻忍不住淺嚐一點，知己同行，心意相通，分隔仍情真情深不減一點」。

佢又話今年生日係佢嘅2元乘車優惠紀念日，話自己當年有份制訂同執行計劃嘅，仍然非常難忘。佢更上載與家人慶祝生日嘅合照，同埋使用乘車優惠嘅相片添。