政情：有排還押要減壓 吳政亨想睇漫畫

喺吳政亨嘅Facebook專頁有貼文，講到佢近日還押嘅生活。話佢參加咗自學計劃之後，覺得自己有進步，而上次上庭開始亦聽得明控辯雙方拗緊乜，都終於理解點解啲法律用語要「扭嚟扭去」，感覺幾過癮。而寫貼文嘅朋友仲話，雖然見吳政亨都有講有笑，但感覺到佢讀書讀到心好累，講起就頭痛咁款。

由於佢自從開始獄中自學計劃後就變得好忙，但都會睇晒外間朋友寄畀佢嘅信，至於幾時回信，就話有拖冇欠喎。

話說前議員邵家臻喺8月份曾經探過吳，形容吳係一個政治素人，仲引述吳話由於自己處境特殊，若罪名成立，量刑由兩年到20年都有可能，又話既然刑期難以預測，吳索性調整心態，坦然面對。