政情：被DQ有新工免破產 王進洋感恩

王喺被DQ無耐就已經搵到新工，當時佢就提及係飲食行業，以日薪計算，但就唔方便透露地點啦。佢尋日貼文時就坦言，呢個零月前嗰段日子真係好難捱，一嚟係仲計緊被DQ後，要向政府償還幾多錢，加上佢又唔想發起眾籌，所以嗰陣佢驚到要周圍開口問親友借錢，或者打算破產。不過，經過拉鋸戰之後，佢發現依家係政府仍欠其8萬元，直言好感恩。

佢又交代新工作情況，話份糧一定唔可以同上一份工作比較，但喺咁嘅市道加上佢呢個「X頭」，一個月竟然都有逾兩萬元收入，認為要多謝佢嘅朋友兼街坊。佢最後又鼓勵大家，應趁呢個時間從商或另謀高就，都係一個畀自己修行一下同休息嘅好機會喎。