政情：林筱魯：置身議會就係建制

林筱魯話自己喺70年代尾、80年代初踏足社會並參與活動，而當時並無「泛民」呢個字眼。佢話社會雖不斷演變，議會裏面可以有反對嘅意見又或者反對派，但無論加入邊一個層次嘅議會，就必然成為建制嘅一部分。佢強調置身建制係一個共同推動嘅過程，而政治環境亦會令到議員同事借助唔同嘅議題，以突出佢哋嘅特性。

林筱魯又話自己過往從來唔用社交平台，不過今次選舉過程佢就嘗試使用，而將來亦必須重視呢種網絡渠道，否則同巿民嘅接觸面必然有限。