政情：電視台重播舊戲 譚凱邦嗌悶死

日前有社交平台上載譚凱邦月初寫嘅獄中信，佢話為咗時間過得快啲，所以佢選擇做嘢，就係逢周一至六貼File皮，之但係，周日就會好得閒，而喺活動室睇電視可以話係獄中為數有限嘅一種消遣，但佢嫌某電視台經常重播舊電影，仲要一齣戲重播十幾年，乜嘢劇情細節都識背喇，以致佢向囚友哭訴「由我廿幾歲不斷重播到現在41歲了。」雖然另一部電視機播放韓國職業足球聯賽，但可惜唔係佢杯茶囉，話若果係播英超，咁先至叫做有興奮感覺喎。

當晚上佢要返回囚室，咁就得番四面牆，只有床及廁所，而收音機就成為最佳娛樂。佢話還押咗咁耐，已經習慣慢活，早睡早起，不經不覺聖誕又就快到咁話。