政情：走佬前區議員隔空咬住轟民協4人出賣民主

雖然立法會選舉已告一段落，但泛民主派依舊吵鬧不停。民協支持舊黨友參選嘅事，雖然楊彧日前已辭去署理主席一職，但係有已「走佬」英國嘅多名深水埗前區議員就咬住唔放，尋日喺社交平台聲明，譴責包括楊彧在內嘅4名民協前區議員，出賣香港民主，要佢哋向公眾交代同道歉喎。之但係，相隔半個地球，仲有冇人聽佢哋支笛呀？

發表譴責聲明包括李文浩、甄啟榮、劉家衡同黃傑朗，前3人早已離港赴英。佢哋喺聲明話深水埗區「民主陣營」議員，喺啱啱結束嘅立法會選舉中，竟然有人為民主叛徒搖旗吶喊出面拉票，咁等於對香港人及民主同路人嘅直接背叛同出賣，故譴責民協嘅前區議員楊彧、江貴生、李炯同譚國僑出賣香港民主。

聲明中亦話該等民協成員曾為民主運動付出過、努力過，若依家有人心存歉疚，理應公開道歉同反躬自省；倘若背離初心，假借寸土必爭為藉口，同利益愈走愈近，最終必會被敵人所吞噬。

之但係呢幾個前區議員點解喺選舉塵埃落定先嚟鬧？雖則鬧得狠，有幾多人聽得入耳？

第一手消息請下載on.cc東網 iPhone/ iPad/ Android/

爆料熱線：

(852) 3600 3600

傳真：

(852) 3600 8800

SMS：

(852) 6500 6500

電郵：

網上爆料：

MMS：

政情：走佬前區議員隔空咬住 轟民協4人出賣民主