昔日東方政情：拒交資料案 支聯會梁錦威擬今認罪
葵青區議會前主席、時任支聯會常委梁錦威，舊年不理警方反對出席六四集會，被控煽惑及參與未經批准集結，早前被判囚9個月，預計喺明年5月服刑完畢，而佢嘅團隊尋日喺社交平台貼文，指佢今日下晝會就支聯會拒交資料案認罪。
非法集結判囚 正在服刑
警方國安處於8月底發信予支聯會7名常委，要求佢哋喺限期前提交所要求資料同證明文件，有指警方將支聯會定義為「外國代理人」，需要求交代過去8年大量財政、會議同活動紀錄。然而當時支聯會並未按時提交，僅交代拒交資料的理由，澄清並非「外國代理人」，又指警方犯咗法律錯誤。
其後警方以《港區國安法》下嘅《實施細則》附表5有關「沒有遵從通知規定提供資料罪」，向拒絕提交資料及證明文件嘅支聯會負責人採取行動，先後拘捕支聯會副主席鄒幸彤、常委梁錦威、鄧岳君同陳多偉多人。保安局當時話上述團體無視警告，一意孤行。
據法庭審訊表顯示，梁錦威今日下晝4時，會喺西九龍裁判法院就沒有遵從通知規定提供資料進行答辯。
梁錦威因支聯會案還押而未就葵青區議員一職宣誓，其後更被取消直至另行通知。由於佢早前被判囚9個月，喺11月11日起失去葵青區議員資格。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
