政情：邀徐英偉跑馬拉松 鄭泳舜被嘲多肉

Caspar喺貼文話差唔多兩年幾第一次可以一朝早起身去跑步，唔使趕住去開會、唔係救緊火同唔使諗橋做宣傳，仲特登落標籤話「唔係一早起身謝票」。Vincent見到貼文即留言想拉埋佢一齊跑馬拉松，但Caspar就似乎冇乜興趣，即婉拒話「喺終點頒獎畀你」。亦有網友留言話「不忘做運動減吓」，佢就回覆笑指「的確要，最緊要扣兩粒鈕，因為一粒鈕有少少爆」啊！

之不過，話就話放假，Caspar似乎都係放唔低公務，跑完步之後竟然去咗視察政府資訊站。佢及後又再貼文，話由於心掛掛所以落區睇吓「港康碼」暨「安心出行」資訊站安排成點，仲話已經分唔到係working（工作）定係holiday（假期）喎。