政情：委員會改選 離島區會 泛民無影

由建制派主導嘅離島區議會一向無咩大拗撬，其中泛民主派嘅「話事權」本身都唔高，只喺得泛民主派嘅郭平擔任交通及運輸委員會主席，其餘3個委員會主席都係由建制擔任。喺上周一（13日）召開嘅離島區議會上，選舉未來兩年嘅委員會主席同副主席，結果8個正、副主席，全部由鄉事派同建制派議員自動當選，睇嚟泛民主派嘅力量所剩無幾。