政情：還押張可森 講M+變開籠雀

黃丹晴喺Facebook發文，話早前去赤柱監獄探望張可森，張望落非常精神，亦緊貼時事。黃講起早排帶街坊團去M+博物館，張就即刻好興奮咁講解館內展品，內容多到好似幫黃上咗一堂咁。黃就形容話，可見張即使喺牆內幾個月，亦不減佢對文化、藝術嘅喜愛同關注。

另外，張嘅屋企人喺上月去赤柱探過張，但因為佢嘅兒子出世時，張已被還押，所以佢嘅兒子當時先第一次見到爸爸。而前幾日，佢嘅兒子就已出世滿百日喇。