政情：監警會主席王沛詩 下年任港大校委會主席

王沛詩係港大校友，曾服務於港大校董會及香港演藝學院校董會，佢由2017年3月起擔任港大校委會成員，現時係最低工資委員會，以及獨立監察警方處理投訴委員會主席，同時係執業大律師，專責知識產權及一般民事訴訟。

港大表示，候任校委會主席王沛詩對委任感到榮幸，欣見過去數年李國章出任校委會主席期間，大學所取得嘅傑出成就。港大未來將有連串新計劃，包括喺本地同區域嘅發展計劃、招聘更多國際學術人才，以及與各地嘅學府同機構建立更緊密嘅夥伴合作關係，以提升大學嘅國際聲譽。

即將卸任嘅李國章，佢擔任校委會主席期間，大學嘅國際排名上升，港大75%嘅研究成果被教資會評為世界領先及國際卓越水平，亦喜見大學進一步擴展及將到深圳建立新校園。大學嘅捐款創紀錄，於近年進一步引入同確立道德規範與相關紀律準則。佢深信港大在未來十年將會有更卓越嘅成就。