政情：捱夜湊貓B 楊雪盈病足3星期

話說佢所照顧嘅流浪貓BB，曾經被人掉落垃圾桶，就算檢回一命都害怕到不能進食。佢聽聞動物中心話，呢隻貓BB若果搵唔到暫託家庭棲身，生存機會就好渺茫，於是佢喺3個星期前拍心口話做暫託媽咪，又同貓BB去獸醫度檢查，醫生話貓BB雖然細粒，但生命力頑強，醫生咁講楊就更有動力嘞，然而照顧過程絕不輕鬆，開始時需要兩小時餵一次奶、又要幫佢去廁所、一日換好多次暖水袋，仲要掃蝨洗毛巾，好多時忙到深夜，體格並非壯健嘅楊冇幾耐就身體違和，仲要病到依家咁話。

之不過，咁勞累嘅日子終告一段落，因為有新主人願意領養隻貓BB。而佢就喺社交平台話要同貓BB道別，而睇住貓BB體重每日上升嘅喜悅，就只有長存腦海啦！