政情：補選主席 泛民建制拒協商 東區區會再延期

原本由泛民主導嘅東區區議會，喺區議員辭職潮之後只剩建制派同泛民共6名議員。由於兩個「唔啱嘴形」嘅陣營所佔嘅議席相等，以致前主席黎志強及副主席趙家賢今年7月辭任後所留下嘅空缺，一直都無人填補，而原定尋日召開嘅大會亦要延期，仲要喺三個月內第二次延期添，睇嚟未來兩年任期都開唔成大會啦，惟有依賴委員會幫手處理民生工作啦。