政情：鄧炳強落場拍宣傳片 愁緊食乜 難忍爆笑

話說保安局早前為下周日（19日）舉行嘅選舉投票日拍攝宣傳片，喺片中鄧同區一開始愁眉苦臉望住枱上嘅西多士同埋雞髀，仲接連嘆氣添，搞到該局常任秘書長葉文娟都要問佢哋個樣做乜咁愁？點知原來區係愁緊投票後食雞髀定西多士喎，隨即令一臉認真嘅鄧「破功」爆笑，最後要強行忍笑先可以完整讀出成句台詞，場面認真搞笑。