政情：渡海泳太凍梁繼昌上水即着羽絨

梁繼昌尋日喺Facebook貼文，上載咗張佢參加完渡海泳同朋友嘅合照，只見佢着住短袖衫同埋運動長褲，外加一件背心羽絨。佢貼文解釋，話因為今年啲海水凍咗，自然都游得快咗，所以完成賽事後早咗啲已經着番保暖衣物喇！

講起泳衣，佢次次參加渡海泳都會着較為密實嘅潛水泳衣，2018年嘅渡海泳時被問到會唔會突破自己嘅尺度，佢當時就話要再操fit啲先，等下次參加渡海泳時可以唔使再着潛水衣，可惜接下來嘅兩年渡海泳都暫停，而今年渡海泳嘅溫度比以往10月舉行低3至4度，所以佢都話着番短袖泳裝參賽，以免涼親咁話喎。