政情：梁翊婷再掀白鴿黨內亂 李洪波猜測年輕累事

對於梁所支持嘅候選人，李稱自己對該名候選人並無特別意見，但問題出在梁不按黨嘅程序辦事。李續指，黨已經決定喺中委會上討論候選人問題，認為梁「唔使咁心急」，只要再等多一、兩日咪得囉！李又猜測，可能由於梁比較年輕，所以唔多注意程序咁話喎。

李又話唔單止民主派支持者，就連白鴿黨內部對應否參與今次選舉嘅分歧都極大，雙方都有一定人數支持。李坦承自己係黨內嘅主選派，認為無論境況有幾艱難，只要係自認屬於香港人嘅政黨，就應該爭取議會平台發聲嘅機會，如果議會變成一言堂，就會令市民同國際社會都以為香港無問題，出現香港天下太平嘅假象㗎喇。