政情：羅冠聰籲無視立會選舉 廉署：倘違例依法處理

羅冠聰喺訪問中表示，今次選舉受操控，港人唔應該賦予今次選舉任何認受性，唔應該假裝香港有真正嘅選舉，應直接無視今場選舉。又指香港民主已死，但港人爭取民主嘅精神仍然存在，只係目前情況太嚴峻，港人未能將其民主精神轉化為行動。

廉署指不評論個別情況，根據《選舉（舞弊及非法行為）條例》第27A條，任何人在選舉期間內藉公開活動煽惑另一人不投票或投無效票（包括投白票），即屬非法行為。廉署會依法按既定程序處理，呼籲市民嚴守法規。

事實上，廉署正通緝身處海外嘅立法會前議員許智峯及前區議員丘文俊，兩人均涉嫌違反相關法例。至於廉政專員白韞六亦透露，至今收到9宗關於有人公開煽動他人不投票或投白票舉報，並強調即使涉案人不在香港，廉署亦會向法庭申請拘捕令，一旦有關人士回港就可以採取行動。