政情：李志宏兩案纏身 全職工好難搵

李志宏尋日喺社交專頁話畀DQ後，眨吓眼咁就將近兩個月喇！期間佢忙於將議辦清空以趕及上個月尾交還，仲不斷思考自己從政嘅初心同埋未來嘅路向。由於佢有兩單案件在身，逢星期一要去沙田警署報到，要搵一份全職工作並唔容易，依家惟有舉辦團購同本地遊活動，藉此賺取可以餬口嘅收入。

喺早前嘅區議員離職潮後，現年26歲嘅佢獲提名接替沙田區議會前主程張迎，一度成為全港最年輕嘅區議會主席，之不過佢最終無法通過宣誓，依家更淪為失業人士。而佢涉及嘅案件分別係被控擾亂公眾秩序同違返禁聚令。