昔日東方政情：資深囚友范國威 幾時加餸有把握
47名發起或參與去年民主派「35+」初選人士，涉嫌違反《港區國安法》，被控串謀顛覆國家政權罪，當中前議員范國威早前申請保釋被拒，目前仍在還押。最近天氣轉涼，前議員卲家臻等人前日就去探范，范就話運動暖身、着短袖衫繼續生活，叫大家唔使擔心。
還押做運動暖身
范國威仍被還押喺荔枝角收押所，佢話做運動暖身、唔怕凍，當其他囚友着3件衫嘅時候，佢拉筋一陣就可以着短袖衫繼續活動。對於身陷囹圄接近一年，佢就自嘲話已成資深囚友，習慣牆內生活，幾時會有雞髀加餸都瞭如指掌。
另外，佢話鐵窗生捱係時間多咗、空間少咗嘅生活，有時間就研究案情同埋讀書，過得頗為充實。同時佢關心其他人嘅聆訊進展，想知邊個瘦得厲害、邊個會一齊做運動、邊個醉心信仰要皈依宗教，覺得大家好似「坐監共同體」咁話喎。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
