政情：AV仁獄中過70大壽 李永達夫婦網上蒲頭

喺違法佔領行動（佔中）案被判入獄8個月、緩刑兩年嘅高達同太太Tree兩公婆早前靜靜雞前後腳離港，最後由Tree自爆「達和我在英生活安好！」證實兩人身處英國嘅傳聞。兩人最近開始喺Fb「上水」，而高達尋日仲發布一張2009年佢為AV仁慶生切蛋糕嘅照片，再寫住「祝仁哥生日快樂」。而Tree都貼出同朋友嘅合照，話「無論變遷，常常記掛遠方的朋友」，唔知兩公婆係咪生活得自由自在，所以一齊上水想刷下存在感呢？

相反，因為前年8‧18、10‧1、10‧20，以及去年6‧4等4宗非法集結案，被控明知而參與及煽惑他人參與未經批准集結罪，而身陷囹圄嘅AV仁就無咗自由喇！入獄頭一個月，就要面對早晚洗地半個鐘而大呼吃力，3個月後更被爆出瘦咗20磅。