政情：野豬殺傷力大 潘佩璆籲勿輕視

潘佩璆日前喺社交專頁中貼文，話近來接連有野豬闖入民居，咬傷市民，甚至值勤嘅警察，造成嚴重傷害！潘又憶述過去僑居新西蘭，曾認識一位酷愛打獵嘅精神科男護士，同佢分享話野外打獵所遇到嘅眾多野獸當中，野豬係最危險。對方又話豬野獠牙會不斷生長，甚至穿過上顎從面頰長出來，十分駭人，而受驚嘅野豬會猛衝撞倒敵人，然後撕咬，可以置人於死地！

潘佩璆指大城市出生同成長嘅人，接觸大自然嘅機會有限，以致好多港人，特別係年輕人，對自然界抱着美麗憧憬，從而忽略大自然潛在嘅危害同風險。

至於近日涉及野豬嘅事故，反映問題必須正視。而潘就認為，政府要採取包括有限度捕殺嘅適當控制措施，畢竟市民嘅安全始終係排首位。