政情：「工作狂」張建宗 續去港大開工

前任行政長官及政治委任官員離職後工作諮詢委員會尋日公布相關申請獲批，認為張建宗遵循委員會所建議嘅若干規限嘅前提下，離職後擬擔任嘅委任不會構成任何潛在嘅利益衝突，亦唔預期有關委任會引起公眾負面觀感。委員會又話張喺任職相關工作期間，不宜喺其講課或任何其他與建議嘅委任相關活動中，表達任何同佢擔任政務司司長相關而可能會令政府尷尬嘅內容，亦唔應該使用或向任何人傳達或透露任何獲免予披露特權保護嘅資料或機密資料，或任何出任政務司司長時所得悉而又並非公眾已可得嘅資料。

其實佢喺今年6月25日離開政府後，上月中獲諮詢委員會批准喺香港大學日新學院嘅高桌晚宴向學生演講，翌日喺港大社會科學院嘅課堂上，就人口和可持續發展講課。睇番轉頭，原來呢兩個活動係幫佢執教鞭熱身。