政情：道別新聞處 鄭偉源爆有新職

鄭偉源喺電郵中，感謝同事過去27個月以來不遺餘力嘅支持，又形容過去與同事同度社會動亂及新冠疫情大流行嘅最困難時期，而依家社會已經變得更穩定，疫情亦開始受控，佢懷着希望同信心，「我很肯定，我們會有一個明亮的將來。」佢亦話依家先休息吓，稍後會接任一個有待確認嘅新職位。

日前傳出佢離任消息之後，佢回覆傳媒查詢時話冇被炒魷，又指自己身體長時間有毛病，按醫生意見要喺今年內盡快處理，而近期情況開始變差，所以要先行離任，處理完會再返回政府工作，屆時等待公務員事務局安排。

鄭過去曾經喺多個決策局同部門工作，包括前政務總署、前保安科，亦曾任發展局副秘書長，喺鄭之前，分別有黃智祖同朱曼鈴先後出任新聞處處長，黃及朱離任後，就分別擔任旅遊事務專員同郵政署長。