政情：黃文漢談礦洞史 遊客劈石「搵銀」

鑑於過去曾發生意外，今日嘅銀礦洞已被政府封閉，但黃文漢指昔日係有人到銀礦洞採銀，然而銀嘅含量非常少，於是不再營運。儘管已告停產但銀礦洞喺本地遊方面頗有名氣，尤其係新機場未興建前，作為龍頭嘅梅窩係所有遊客到訪大嶼山嘅必經之路，銀礦洞一帶每逢假期必定人山人海，而好多遊客都會執塊石頭劈開睇睇裏面到底有無銀，結果久而久之，咁就搞到石頭都無晒嘞！

黃文漢又話，過去梅窩主要係務農嘅地方，但依家就變咗大自然嘅環境，吸引嚮往郊區生活嘅城市人入住，令佢擔心外來人嘅心態同鄉郊人嘅思維有矛盾。點樣做到城鄉共融，咁就有賴鄉事委員會及區議會嘅努力喇。