政情：港鐵範圍爆粗有餘波 黃兆健被加控冇戴罩

黃兆健尋日喺社交平台貼文，話今年7月法庭就佢喺港鐵向警員講粗口，罰款4,000港元；而尋日朝早接獲警方通知，話法院將傳召佢喺12月中上庭，加控佢喺公眾地方冇戴口罩，違反《預防及控制疾病（佩戴口罩）條例》（第599I章）。

當時佢喺社交平台講呢件事，事後警方回應查詢時就話該名休班警員懷疑佢違反第599I章，其後更表露警員身份並要求佢妥善佩戴口罩，但佢唔合作並向其使用粗言穢語先至報案。港鐵亦回覆有關個案將交由港鐵法律部門跟進，如決定提出檢控，將會由法庭審理。

其實佢早前已辭去區議員職務，日前亦喺社交平台交代近況，話呢兩個月仍喺度適應新環境、新生活、新崗位，同時努力重拾舊日身形。