政情：公務員學院招聘院長 月薪逾26萬元

職位申請日期由11月30日開始，截止日期為本月13日。相關招聘廣告已上載政府網頁以及喺報章刊登，而政府網頁上嘅招聘廣告已詳列入職條件。政府亦已發出內部職位空缺通告，邀請屬於實任首長級薪級表第3點或以上、或屬同等職級，並符合入職條件嘅在職公務員，申請該職位。由於公務員學院院長一職屬單一職級職系，屬於首長級薪級第6點嘅職位，月薪港幣265,150元至273,000元，獲取錄嘅申請人不論目前係在職公務員抑或外界人士，均將按公務員合約條款聘任。

公務員事務局發言人表示，希望可以喺明年上半年委任合適嘅人選擔任院長，以便學院盡早落實各項措施同計劃，加強、擴闊同深化公務員培訓，並為學院進一步規劃同發展訂下方向。由於公務員學院將於本月成立，院長人選到任之前，院長一職會由公務員事務局常任秘書長暫時兼任。