昔日東方政情：健康為由 新聞處長鄭偉源調走
政府新聞處有人事變動，出任新聞處處長兩年幾嘅鄭偉源都以私人健康原因，將於本周六、即12月4日調離新聞處，由副處長吳綺媚暫時兼任處長一職。鄭回覆傳媒查詢時承認因為健康問題而需要請假，未來會繼續留喺政府服務，但強調冇畀人炒喎。
新聞處發言人回覆本報查詢時就話鄭偉源將喺2021年12月4日開始休假，政府會適時公布其新工作崗位，而政府將按照既定機制同埋程序，安排合適人選出任新聞處處長一職，並會適時作出公布。
處方屢甩轆 近年頻換人
話時話，近年外界不斷批評政府無論發放訊息或澄清外界誤解等都做得唔好，政府新聞處亦責無旁貸，而鄭喺2019年8月29日出任新聞處處長，當時爆發反對修訂《逃犯條例》風波，要幫政府不停拆彈，睇嚟好難捱。
以往政務官一般做約3年先調職，而政府新聞處近年亦頻頻換人，好似鄭嘅上任朱曼鈴只係做咗一年半處長就換人，期間甩轆事件一大籮，而鄭接手處長後唔夠兩個禮拜，亦鬧出將廣西壯族自治區錯稱做廣西省，仲要出咗幾日都唔更正。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
