昔日東方政情：憑新一代電子護照系統 入境處奪全年大獎
都市人追求快捷便利嘅自助服務，而入境處與時並進，推出「先進科技‧連繫世界：新一代電子護照系統」，系統注入咗智能元素，由交表到攞證都可以一條龍搞掂。系統仲喺尋日嘅2021香港資訊及通訊科技獎頒獎典禮中，擊敗其餘7個類別嘅得主，奪得全年大獎，仲拎埋「2021香港資訊及通訊科技獎：商業方案（大獎）」同「2021香港資訊及通訊科技獎：商業方案（商業及公營機構）」金獎，處長區嘉宏同副處長郭俊峯親身領獎，一齊分享呢份喜悅。
自助辦證便捷 各界讚好
新一代電子護照系統喺2019年5月推出，由遞交申請、審批、印製護照到領證，新系統都注入智能同機械人元素，經優化嘅「申請證件服務站」集填表、免費拍照和電子繳費功能於一身，提供方便嘅一站式自助服務。市民可經新嘅「領取護照服務站」以自助形式輕鬆地完成領證手續。新系統精簡人手且提升效率，使處理申請嘅時間得以減少一倍至5個工作天，以及令申請費用自2006年到依家都維持不變。
評審讚揚系統採用最新嘅防偽措施，最重要喺護照申請處理過程中採用咗人工智能在內嘅先進技術，約80%嘅護照申請可自動處理，大大節省時間同成本。新系統下已簽發咗逾70萬本護照，評審又話自助辦證同領取護照都深受社會各界歡迎，係政府部門逐步使用技術嘅一個好好例子，而系統作為護照簽發嘅主要模式已引起國際關注。
人人做記者
爆料方法 :
爆料熱線：
(852) 3600 3600
傳 真：
(852) 3600 8800
SMS：
(852) 6500 6500
