政情：推廣舞麒麟 劉啟康籲政府幫手

話說劉啟康因為爸爸有根基，佢細細個已經開始舞麒麟，話自己住嘅鄉村喺40年代已經有師傅教，而依家學習舞麒麟就通常上網靠短片學習，認為比較有全面性及廣泛性，從而吸引到唔少後生仔添！之不過，細路仔都係要氹嘅，每次演出後免不了食餐好嘢先「收貨」。佢就話唔單止要「慰勞」班小朋友，仲需要提供更多平台，令佢哋聽到掌聲，先可以「捱」落去㗎！

點樣推廣舞麒麟？佢話依家主要靠民間資源，或者表演後嘅「利是」，但通常都係蝕本嘅，希望以後多啲機會到國內、海外表演。就區議會層面嚟講，佢就話大家接受程度都高咗，但撥款仍然好普通喇，所以都想民政處日後多多推廣呀。