政情：40年前 莫乃光聖經科考第一

原來考聖經科要有好成績，係有竅門(口架)。尋日莫乃光喺社交平台貼文，話有舊同學搵番40年前佢嘅中學畢業禮場刊，從而勾起佢因聖經科成績優異而獲校方表揚嘅回憶。佢話自己並非特別虔誠，老實講考聖經科只要熟讀兩本福音書籍，同埋使徒行傳或羅馬書之類，咁就可以赴考嘞。由於試題範圍加埋比其他科都少，相較之下「性價比」最高，所以當年必攻呢個A！

莫乃光又重溫畢業禮上，神父校監同教育署官員嘅演詞摘要。佢話當時神父建議增加大學學位，但官員就話60同70年代嘅繁榮盛世將不再現，其實佢中學畢業正值嘅80年代，先至係香港最奢侈、最發達嘅年代！